Surah An-Naml Ayahs #86 Translated in Khmer

ហើយកាលណាវាចា(យើង)បានធ្លាក់ដល់ពួកគេ យើងបានបញ្ចោញទៅឱ្យពួកគេនូវសត្វតិរច្ឆានមួយមកពីដី។ សត្វនោះនឹងនិយាយទៅកាន់ពួកគេ ថា ការពិត មនុស្សទាំងឡាយនៅតែមិនព្រមជឿប្រាកដក្នុងចិត្ត នូវអាយ៉ាត់ៗយើង

នាថ្ងៃដែល យើងនឹងប្រមូលផ្តុំពីគ្រប់សហគមន៍ នូវក្រុមមួយក្នុងចំណោមអ្នកដែលបដិសេធចំពោះអាយ៉ាត់ៗ យើង។ ពួកគេនឹងត្រូវគេបែងចែកតំរៀបជាជួរៗ

ទាល់តែកាលណាពួកគេបានទៅដល់ លោកថា តើពួកអ្នកបានបដិសេធចំពោះអាយ៉ាត់ៗយើងឬ? ហើយពួកអ្នកមិនទាន់ជ្រួតជ្រាប នូវ ការស្គាល់ដឹងមួយចំពោះអាយ៉ាត់នោះផង? ឬមួយអ្វីទៅដែលពួកអ្នករមែងប្រព្រឹត្តនោះ?

ហើយវាចា (យើង) បានធ្លាក់ទៅលើពួកគេ ដោយសារតែអ្វីដែលពួកគេបាន សាងបាបកម្ម រួចមក ពួកគេមិនអាចនិយាយបាន

តើពួកគេមិនទាន់ឃើញទេឬ? ការពិត យើងបានចាត់រាត្រីកាល ដើម្បីពួកគេសម្រាកនៅក្នុងវេលានោះ ព្រមទាំងទិវាកាលដើម្បីឱ្យមើលឃើញ។ ការពិតក្នុងព្រឹត្តិ- ការណ៍ទាំងនេះ ប្រាកដជាភស្តុតាងៗសម្រាប់ក្រុមមនុស្សជឿ