Surah An-Naml Ayahs #19 Translated in Khmer

ជាការពិតណាស់ យើងក៏បានផ្តល់ចំណេះដឹងទៅដាវូទ និងស៊ូឡៃម៉ាន ហើយអ្នកទាំងពីរថា ការកោតសរសើរ ស្ញប់ស្ញែង គឺសម្រាប់អល់ឡោះ ដែលបានផ្តល់ឧត្តមភាពដល់ពួកយើង លើភាគច្រើននៃបណ្តា អ្នកគោរពរបស់លោកដែលជឿ

ហើយស៊ូឡៃម៉ានក៏បានទទួលមរតកតំណែងរបស់ដាវូទ។ រួចស៊ូឡៃម៉ានថា ឱមនុស្សទាំងឡាយ! គេបានបង្រៀនយើងនូវភាសាបក្សី ហើយគេបានផ្តល់ មកយើងពីវត្ថុទាំងអស់។ ពិតប្រាកដណាស់ នេះគឺពិតជាការុណភាពដ៏ជាក់ច្បាស់

ហើយ គេប្រមូលឱ្យស៊ូឡៃម៉ាន នូវកងទ័ពរបស់គាត់អំពីពួកជិន មនុស្ស និងបក្សី។ រួចមកទាំងអស់ នោះ គេបានបែងចែកតំរៀបជាជួរ

រហូតដល់កាលណាពួកគេបានទៅដល់ជ្រលងភ្នំរបស់ ស្រមោច ស្រមោចញីមួយថា ឱស្រមោចទាំងឡាយ! ចូរពួកអ្នកចូលទៅកាន់លំនៅដ្ឋានរបស់ ពួកអ្នក កុំឱ្យស៊ូឡៃម៉ាន និងពួកកងទ័ពរបស់គាត់ជាន់កំទេចពួកអ្នកនឹងបាតជើង ខណៈដែល ពួកគេមិនដឹងខ្លួន

ស៊ូឡៃម៉ានក៏បានញញឹមនូវសំណើចមួយអំពីសំដីរបស់ស្រមោចញីមួយ នោះ ហើយគេនិយាយថា ឱម្ចាស់របស់ខ្ញុំ! សូមលោកមេត្តាអនុញ្ញាតឱ្យខ្ញុំ ដើម្បីខ្ញុំនឹងសំដែង កតញ្ញុតានូវឧបការគុណរបស់លោក ដែលលោកបានប្រទានមកលើខ្ញុំ និងលើមាតាបិតារបស់ ខ្ញុំ ហើយដើម្បីខ្ញុំនឹងសាងកុសលដែលលោកបានពេញចិត្តកុសលនោះ ហើយដោយក្តីអាណិត អាសូររបស់លោក សូមលោកមេត្តាបញ្ចូលខ្ញុំទៅកាន់ក្នុងចំណោមពួកដែលគោរពលោក ដែល ប្រកបដោយគុណធម៌ផង