Surah Al-Qasas Ayahs #88 Translated in Khmer

ហើយអ្នកមិនដែលសង្ឃឹមថា គេនឹងបញ្ចុះគម្ពីរឆ្ពោះទៅអ្នកទេ មានតែក្តី អាណិតអាសូរពីម្ចាស់របស់អ្នកប៉ុណ្ណោះ។ ដូច្នេះ ចូរអ្នកកុំក្លាយជាអ្នកជួយជ្រោមជ្រែង ចំពោះពួកអជំនឿឱ្យសោះ

ហើយចូរកុំឱ្យពួកគេរំខានអ្នកពីអាយ៉ាត់ៗរបស់អល់ឡោះ ឱ្យសោះ បន្ទាប់ពីពេលដែលគេបានដាក់ចុះអាយ៉ាត់ៗទាំងនោះឆ្ពោះទៅអ្នក។ ហើយចូរអ្នក អំពាវនាវឆ្ពោះទៅម្ចាស់របស់អ្នក។ ហើយចូរអ្នកកុំក្លាយទៅក្នុងចំណោមពួកអ្នកស៊ីរិក ឱ្យសោះ

ហើយចូរអ្នកកុំបួងសួងទន្ទឹមនឹងអល់ឡោះ នូវម្ចាស់ផ្សេងទៀត។ គ្មានម្ចាស់ ណាមួយក្រៅពីលោកទេ។ គ្រប់វត្ថុទាំងអស់គឺវិនាស លើកលែងតែលោកប៉ុណ្ណោះ ។ លោកមានកម្មសិទ្ធិវិនិច្ឆ័យកិច្ច ហើយឆ្ពោះទៅកាន់លោក គេនឹងត្រឡប់ពួកអ្នក