Surah Al-Qasas Ayahs #86 Translated in Khmer

ពួកដែលបានប្រាថ្នាចង់ក្លាយទៅកាន់ឋានៈករូន កាលពីម្សិលម៉ិញ កំពុងថា យ៉ើ! អ្នកមិនដឹងទេថា គឺអល់ឡោះដែលជាអ្នកលាតសន្ធឹង ឬកំរិតនូវទំនុក បំរុងចំពោះជនដែលលោកប្រាថ្នា ក្នុងចំណោមពួកអ្នកគោរពរបស់លោក។ ប្រសិន បើគ្មានករណីអល់ឡោះបានអនុគ្រោះមកលើពួកយើងទេ ប្រាកដជាលោកបានពន្លិច ពួកយើងដែរ។ យ៉ើ! អ្នកមិនដឹងទេថា ពួកអជំនឿនឹងមិនទទួលបានជោគជ័យឡើយ

លំនៅអវសាននោះ យើងនឹងចាត់លំនៅនោះ សម្រាប់តែពួកដែលមិនប្រាថ្នា ឆ្មើងឆ្មៃនៅលើដី ហើយក៏មិនប្រព្រឹត្តការខូចខាតដែរ ហើយអនាគតដ៏ល្អ គឺសំរាប់ពួក អ្នកគោរពកោតខ្លាច

ជនណាបាននាំមកនូវកុសល គឺសម្រាប់ជននោះ ត្រូវបាន ប្រសើរជាងកុសល។ រីឯជនណាដែលនាំមកនូវអកុសល ក៏គេមិនជូនរង្វាន់ទៅកាន់ ពួកដែលប្រព្រឹត្តអកុសលទាំងឡាយ ក្រៅពីអ្វីដែលពួកគេបានប្រព្រឹត្តនោះឡើយ

ជាការពិតណាស់ ម្ចាស់ដែលបានដាក់បញ្ញតិគួរអានទៅលើអ្នក គឺប្រាកដជាអ្នកដែល រុញច្រានអ្នកឱ្យទៅកាន់ទីដើមមួយ (ម៉ា់ក្កះ) ចូរថាទៅ ម្ចាស់របស់យើងដឹងបំផុត ជន ដែលបាននាំមកនូវមគ្គុទ្ទេសន៍ និងជនដែលគេកំពុងស្ថិតនៅក្នុងវង្វេងមួយយ៉ាងច្បាស់ ក្រឡែត

ហើយអ្នកមិនដែលសង្ឃឹមថា គេនឹងបញ្ចុះគម្ពីរឆ្ពោះទៅអ្នកទេ មានតែក្តី អាណិតអាសូរពីម្ចាស់របស់អ្នកប៉ុណ្ណោះ។ ដូច្នេះ ចូរអ្នកកុំក្លាយជាអ្នកជួយជ្រោមជ្រែង ចំពោះពួកអជំនឿឱ្យសោះ