Surah Al-Qasas Ayahs #27 Translated in Khmer

ហើយនៅខណៈដែលគេបានទៅដល់ អណ្តូងទឹករបស់ម៉ាទយ៉ាន គេបានប្រទះឃើញនៅឯទឹកនោះ មួយក្រុមនៃពួក មនុស្សកំពុងបំផឹកសត្វពាហនៈ ហើយក្រៅពីពួកគេទាំងនោះ គេបានប្រទះ នារីពីរនាក់កំពុងចាប់បង្ខាំងសត្វ គេបានសួរថា តើអ្នកទាំងពីរមានភារៈអ្វី? នារីទាំងពីរថា យើងមិនអាចបំផឹក(សត្វ)បានទេ លុះត្រាតែពួកគង្វាលចេញ ទៅសិន រីឯបិតារបស់យើងគឺចាស់ជរាខ្លាំង

រួចមកគេក៏បានបំផឹក(សត្វ) ឱ្យអ្នកទាំងពីរនោះ ក្រោយមក គេបានបែរទៅកាន់ម្លប់ រួចគេបានបួងសួងថា ឱម្ចាស់ខ្ញុំ! ខ្ញុំពិតជាត្រូវការខ្លាំងចំពោះកុសល ដែលអ្នកបានដាក់ចុះមកកាន់ខ្ញុំ

រួចមកនារីម្នាក់នៃពីរនាក់បានមកដល់គេ នាងកំពុងដើរនៅលើការអឹម អៀនមួយ នាងថាការពិតបិតាខ្ញុំអញ្ជើញអ្នកទៅ ដើម្បីគាត់នឹងជូនដល់អ្នក នូវរង្វាន់ដែលអ្នកបានបំផឹកឱ្យយើងនោះ។ នៅពេលដែលគេបានទៅដល់បិតា នោះហើយ គេបាននិទានជូនបិតានោះនូវរឿងនិទាន។ គេថា ចូរអ្នកកុំភ័យ តក់ស្លុត អ្នកបានចាកផុតពីក្រុមមនុស្សអយុត្តិធម៌ហើយ

នារីម្នាក់នៃពីរ នាក់ថា ឱបិតាខ្ញុំ! សូមបិតាជួលគាត់ទៅ ការពិតល្អបំផុតជនដែលបិតាត្រូវ ជួលនោះ គឺជាអ្នកដែលមានកម្លាំងខ្លាំង និងទុកចិត្តបំផុត

បិតានោះថា ការពិតយើង បំណងនឹងផ្សំផ្គុំអ្នក នូវមួយនាក់ក្នុងចំណោមកូនស្រីយើងទាំង ពីរនាក់នេះ ឱ្យតែអ្នកធ្វើការឱ្យយើងក្នុងរយៈប្រាំបីឆ្នាំ បើអ្នកបំពេញបានដប់ ឆ្នាំនោះ គឺដោយការស្មគ្រ័របស់អ្នក។ តែយើងគ្មានបំណងនឹងធ្វើឱ្យលំបាក លើអ្នកទេ។ បើអល់ឡោះមានបំណង អ្នកគង់តែនឹងឃើញយើងក្នុងចំណោម ពួកអ្នកកុសល