Surah Al-Qasas Ayahs #19 Translated in Khmer

មូសាបានចូលទៅទីក្រុង នៅខណៈដែលពួកអ្នក ក្រុងនោះពុំដឹងខ្លួន រួចគេបានជួបប្រទះក្នុងក្រុងនោះនូវបុរសពីរនាក់ កំពុងប្រកាប់ប្រចាក់ គ្នា។ ម្នាក់នេះពីបក្សព័ន្ធគេ ហើយម្នាក់ទៀតពីគូប្រឆាំងគេ ម្នាក់ដែលមកពីបក្សព័ន្ធគេបាន ស្នើឱ្យគេជួយតទល់នឹងម្នាក់ដែលមកពីគូប្រឆាំងគេ គេក៏បានដាល់ជននោះមួយដៃធ្វើឱ្យ បង្ហើយជីវិតជននោះមួយរំពេច គេថានេះគឺជាអំពើស្ហៃតន។ ស្ហៃតនគឺពិតជាសត្រូវមួយ ដែលជាអ្នកបន្សាត់គេយ៉ាងជាក់លាក់

គេបានបួងសួងថា ឱម្ចាស់របស់ខ្ញុំ់! ខ្ញុំបានប្រព្រឹត្ត កំហុសឆ្គងចំពោះខ្លួនខ្ញុំផ្ទាល់ ដូច្នេះ សូមលោកមេត្តាអភ័យទោសឱ្យខ្ញុំផង រួចមកលោកក៏ បានអភ័យទោសឱ្យគេ។ ជាការពិតណាស់ លោកពិតជាអ្នកអភ័យទោសឱ្យ អាណិតអាសូរ បំផុត

គេបានបួងសួងទៀតថា ឱម្ចាស់ខ្ញុំ! ដោយសារតែអ្វីដែលលោកបានអនុគ្រោះ មកលើខ្ញុំៗនឹងមិនក្លាយជាអ្នកគាំពារចំពោះពួកឧក្រិដ្ឋជនទេ

រួចមក គេនៅក្នុងទីក្រុង នោះទាំងភ័យខ្លាច ដែលកំពុងឃ្លាំមើល។ ស្រាប់តែអ្នកដែលបានស្នើឱ្យគេជួយពីម្សិលមិញ ស្រែកសុំឱ្យគេជួយម្តងទៀត។ មូសាបាននិយាយទៅកាន់ជននោះថា អ្នកពិតជាអ្នកដែលភាន់ វង្វេង្វយ៉ាងជាក់លាក់

នៅពេលដែលគាត់មានបំណងនឹងស្ទុះទៅទះជនដែលជាសត្រូវ រួមចំពោះអ្នកទាំងពីរនោះ ជននោះថា នែ៎មូសា តើអ្នកកំពុងតែមានបំណងនឹងសម្លាប់ យើង ដូចដែលអ្នកបានសម្លាប់ជីវិតម្នាក់ពីម្សិលម៉ិញនោះឬ? អ្នកកំពុងគ្មានបំណងអ្វីក្រៅ ពីចង់ឱ្យខ្លួនអ្នកក្លាយជាក្សត្រកាន់អំណាចផ្តាច់ការនៅក្នុងទឹកដីឡើយ ហើយអ្នកមិនចង់ឱ្យ ខ្លួនអ្នកក្លាយទៅក្នុងពពួកកែលំអឡើងវិញដែរ