Surah Al-Maeda Ayahs #110 Translated in Khmer

ឱពួកដែលបានជឿ! ពេលធ្វើមរតកសាសន៍ នៅពេលសេចក្តីស្លាប់បានមកដល់ជនណាម្នាក់នៃពួកអ្នក ការធ្វើសាក្សីរវាង ពួកអ្នក គឺបុរសពីរនាក់ដែលយុត្តិធម៌នៃពួកអ្នក ឬពីរនាក់ផ្សេងនៃជនក្រៅ ពីពួកអ្នក(ពួកអជំនឿ) បើពួកអ្នកបានធ្វើដំណើរនៅលើដី ហើយគ្រោះមរណៈ បានប៉ះទង្គិចពួកអ្នក។ បើពួកអ្នកកើតមានសង្ស័យ ពួកអ្នកត្រូវឃាត់គេទាំង ពីរឱ្យរង់ចាំបន្ទាប់ពីសឡាតិ៍ រួចមក ឱ្យគេទាំងពីរស្បថនឹងអល់ឡោះថា យើង មិនលក់សំបថនេះក្នុងតំលៃណាមួយទេ ទោះបីជាញាតិជិត ហើយយើងក៏មិន លាក់សាក្សីអល់ឡោះដែរ ពុំនោះទេ យើងពិតជាក្នុងចំណោមពួកសាងបាបកម្ម

ក្រោយមក បើគេបានរកឃើញថា គេទាំងពីរបានសាងបាបកម្ម គឺពីរ នាក់ផ្សេង នៃពួកញាតិជិតដែលត្រូវទទួលមរតក ត្រូវមកឈរនៅឋានៈគេ ទាំងពីរនោះ រួចមក ពីរនាក់នោះត្រូវស្បថនឹងអល់ឡោះថា សាក្សីពួកយើង ត្រឹមត្រូវជាងសាក្សីគេទាំងពីរ ហើយពួកយើងមិនបានបំពានទេ បើពុំនោះទេ ពួកយើងពិតជាក្នុងចំណោមពួកអយុត្តិធម៌

នេះហើយដែលជិតជាងគេ ដើម្បីពួកគេធ្វើសាក្សីលើផ្លូវពិតរបស់វា ឬដើម្បីឱ្យពួកគេខ្លាចគេច្រានពាក្យ សម្បថចោល បន្ទាប់ពីសម្បថពួកគេ។ ចូរពួកអ្នកគោរពកោតខ្លាចអល់ឡោះ ហើយចូរពួកអ្នកស្តាប់បង្គាប់។ អល់ឡោះមិនមគ្គុទ្ទេសមនុស្សខិលខូច

នាថ្ងៃដែលអល់ឡោះប្រមូលរ៉សូលៗ រួចលោកថា តើគេបានធ្វើឱ្យពួក អ្នកឆ្លើយតបពីអ្វីខ្លះ? ពួកគេថា យើងឥតមានដឹងអ្វីទេ។ ការពិតលោក ជាអ្នកដែលដឹងបំផុត នូវប្រការអាថ៌កំបាំងទាំងឡាយ

(ចូររំលឹក) ក្នុងពេលដែលអល់ឡោះថា ឱអ៊ីសាបុត្រាម៉ារីយ៉ាំ! ចូរអ្នករំលឹកការ អនុគ្រោះរបស់យើងទៅលើអ្នក និងទៅលើមាតាអ្នក ក្នុងពេលដែល យើងបានពង្រឹងអ្នកដោយបរិសុទ្ធញាណ អ្នកនិយាយទៅមនុស្សពេល វ័យក្នុងអង្រឹង និងចាស់ទុំ។ ពេលដែលយើងបានបង្រៀនអ្នក នូវការ សរសេរយល់ដឹងតាវរ៉ត និងអិនជីល។ ពេលដែលអ្នកបង្កើតពីដីឥដ្ឋ ជា រាងបក្សីដោយការអនុញ្ញាតពីយើង រួចមកអ្នកផ្លុំទៅក្នុងរូបនោះ រួចក៏ ក្លាយជាបក្សីមួយដោយការអនុញ្ញាតពីយើង។ អ្នកធ្វើឱ្យជាដល់មនុស្ស ខ្វាក់ និងកើតឃ្លង់ដោយអនុញ្ញាតពីយើង។ ពេលដែលអ្នកបានប្រោស មនុស្សស្លាប់ ដោយការអនុញ្ញាតពីយើង។ ពេលដែលយើងបានទប់ ស្កាត់បុត្រអ៊ីស្រាឯលពីអ្នក ក្នុងពេលដែលអ្នកបាននាំបណ្តាសក្ខីភាព ទៅកាន់ពួកគេ រួចពួកដែលបានអជំនឿនៃពួកគេថា នេះគ្មានអ្វីក្រៅពី មន្តអាគមមួយដ៏ជាក់ច្បាស់ឡើយ