Surah Al-Isra Ayahs #23 Translated in Khmer

ហើយជនណាដែលមានបំណងថ្ងៃអវសាន ហើយបានប្រឹងប្រែង សម្រាប់ថ្ងៃនោះ នូវការប្រឹងប្រែងយ៉ាងខ្លាំងសម្រាប់ថ្ងៃនោះ ហើយជននោះជាអ្នកជឿទៀត។ ជនទាំងអស់នោះ ការប្រឹងប្រែងរបស់ពួកគេ ត្រូវគេដឹងគុណ

យើងនឹងជួយពួកទាំងអស់ នោះគ្រប់ៗគ្នា ហើយពួកទាំងអស់នោះ មកពីអំណោយរបស់ម្ចាស់អ្នក។ ហើយអំណោយម្ចាស់ អ្នកមិនត្រូវបានគេរារាំងឡើយ

ចូរអ្នកពិនិត្យមើល តើហេតុម្តេច យើងបានផ្តល់ការុណភាព ទៅកាន់ភាគខ្លះ នៃពួកគេបានលើសភាគខ្លះ? ហើយនៅថ្ងៃអវសាន ប្រាកដជាធំធេងបំផុត នូវ ឋានៈនិងធំធេងបំផុតនូវការផ្តល់ការុណភាព

ចូរអ្នកកុំចាត់ទុកជាមួយអល់ឡោះ នូវសក្ការ ទិទេពណាមួយផ្សេងទៀត ពុំនោះសោត អ្នកប្រាកដជានឹងអង្គុយទាំងត្រូវអាម៉ាស់ ហើយត្រូវ បោះបង់ថែមទៀត

ហើយម្ចាស់របស់អ្នក បានត្រាស់បង្គាប់មិនឱ្យពួកអ្នកប្រណិប័តន៍ក្រៅពី ឆ្ពោះទៅលោកឡើយ។ ហើយជាមួយនឹងមាតាបិតា ត្រូវសាងកុសល។ ជួនកាលមួយនាក់ក្នុង ចំណោមទាំងពីរនាក់ ឬទាំងពីរនាក់ នៃមាតាបិតាដែលនៅរស់ក្បែរអ្នក រហូតដល់ចាស់ជរា ពេលនោះ ចូរអ្នកកុំពោលទៅកាន់លោកទាំងពីរ នូវពាក្យប្រមាថមើលងាយ ហើយចូរអ្នកកុំ គំហកដាក់លោកទាំងពីរ តែត្រូវអ្នកពោលពាក្យទៅកាន់លោកទាំងពីរ នូវសំដីមួយដ៏ថ្លៃថ្នូរ