Surah Al-Hashr Ayahs #18 Translated in Khmer

ពួកគេនឹងមិនប្រយុទ្ធនឹងពួកអ្នកទាំងអស់គ្នានោះទេ លើកលែងតែក្នុងភូមិដ្ឋានៗដែលត្រូវការពាររឹងមាំ ឬនៅពីក្រោយកំពែង។ ឧបសគ្គ របស់ពួកគេក្នុងចំណោមគ្នាគេ គឺខ្លាំងក្លាបំផុត។ អ្នកនៅគិតស្មានថា ពួកគេរួបរួមគ្នា ក្នុងករណីចិត្តគំនិតពួកគេបែកបាក់គ្នា។ ទាំងនេះ មកពីពួកគេជាក្រុមមនុស្សមិនពិចារណា

ប្រៀបដូចជាពួកដែលពីសម័យមុនពួកគេនេះបន្តិច ពួកគេបានក្រេបរសជាតិ នូវទីបញ្ចប់អាក្រក់នៃការងាររបស់ពួកគេ ហើយសំរាប់ពួកគេ គឺទណ្ឌកម្មមួយដ៏ខ្លោច ផ្សាបំផុត

ប្រៀបដូចស្ហៃតន នៅពេលដែលវាបាននិយាយទៅកាន់មនុស្សថា ចូរអ្នក ឈប់ជឿទៅ រួចមកនៅពេលដែលមនុស្សនោះបានឈប់ជឿ ស្ហៃតនថា ការពិតយើងជា អ្នកចាកផុតអំពីអ្នក ហើយការពិតយើងកោតខ្លាចអល់ឡោះម្ចាស់លោកទាំងមូល

ទីបញ្ចប់របស់គេទាំងពីរ គឺគេទាំងពីរពិតជាឋិតនៅក្នុងនរក ដែល អនន្តកាលទាំងពីរនាក់ក្នុងនរកនោះ។ ទាំងនេះហើយជាការតប ស្នងចំពោះពួកអយុត្តិធម៌

ឱបណ្តាអ្នកដែលបានជឿ! ចូរពួក អ្នកគោរពកោតខ្លាចអល់ឡោះ ហើយម្នាក់ៗត្រូវពិនិត្យថ្លឹងថ្លែង នូវ អ្វីដែលបានកន្លងមក សំរាប់ថ្ងៃស្អែក ហើយចូរពួកអ្នកគោរកោត ខ្លាចអល់ឡោះ។ ការពិតអល់ឡោះជាអ្នកដឹងបំផុត នូវអ្វីដែលពួកអ្នក បានប្រព្រឹត្ត