Surah Al-Hajj Ayahs #56 Translated in Khmer

រ៉សូល និងណាពីនីមួយៗ ដែលយើងបានជ្រើសតាំងពីសម័យ កាលមុនអ្នក នៅពេលដែលរ៉សូល ឬណាពីនោះមានបំណងប្រាថ្នា សុទ្ធតែត្រូវបាន ស្ហៃតនចូលជ្រៀតជ្រែកទៅក្នុងបំណងប្រាថ្នានោះ ដូចនេះ អល់ឡោះលុបចោល នូវអ្វីៗដែលស្ហៃតនចូលជ្រៀតជ្រែកនោះ បន្ទាប់ពីនោះមក អល់ឡោះគាំទ្រ អាយ៉ាត់ទាំងឡាយរបស់លោក។ ហើយអល់ឡោះជាអ្នកដឹងបំផុត មហាគតិ បណ្ឌិត

ដើម្បីលោកនឹងចាត់ទុក នូវអ្វីដែលស្ហៃតនចូលជ្រៀតជ្រែកនោះ ជា ការសាកល្បងសម្រាប់ពួកដែលក្នុងចិត្តពួកគេមានជម្ងឺ ព្រមទាំងរឹងរូសចិត្តគំនិត ពួកគេ។ការពិត ពួកអយុត្តិធម៌ស្ថិតក្នុងការបែកបាក់គ្នាដ៏សែនឆ្ងាយ

ហើយ ដើម្បីពួកដែលគេ បានផ្តល់ចំណេះវិជ្ជានឹងដឹងថា ការពិត សច្ចភាពមកពីម្ចាស់ អ្នក ដូចនេះ ពួកគេនឹងជឿតាមសច្ចធម៌នោះ រួចមក ចិត្តរបស់ពួកគេនឹងបន្ទាប គោរពចំពោះសច្ចភាពនោះ។ អល់ឡោះពិតជាអ្នកមគ្គុទ្ទេសក៍ឆ្ពោះទៅកាន់ផ្លូវ ធម៌ចំពោះអ្នកដែលបានជឿ

រីឯពួកអ្នកដែលបានអជំនឿ រមែងស្ថិតនៅក្នុង ការស្ទាក់ស្ទើរស្តីពីការពិតនោះជានិច្ច ទាល់តែថ្ងៃអវសាននឹងទៅដល់ទៅពួកគេ ភ្លាមមួយរំពេច ឬមួយក៏ទណ្ឌកម្មនាថ្ងៃអសារបង់នោះ នឹងទៅដល់ពួកគេ

អធិបតេយ្យនាថ្ងៃនោះ គឺសម្រាប់អល់ឡោះ លោកនឹងវិនិច្ឆ័យរវាងពួកគេ។ ដូចនេះ ពួកដែលជឿ និងបានសាងកុសលទាំងឡាយ ត្រូវស្ថិតនៅក្នុងឋាន សួគ៌ាដ៏អស្សាទបំផុត