Surah Al-Fath Ayahs #19 Translated in Khmer

ពួកដែលនៅខាងក្រោយ (មិនទៅច្បាំង) នឹងនិយាយ នៅពេលដែលពួកអ្នកចេញដំណើរ ឆ្ពោះទៅទ្រព្យជ័យភ័ណ្ឌទាំងឡាយ ដើម្បីពួកអ្នកនឹងដណ្តើម យកវានោះថា សូមពួកអ្នកបណ្តោយឱ្យយើងតាមពួកអ្នកផង។ ពួកគេប៉ងប្រាថ្នានឹងប្តូរផ្លាស់នូវ ពាក្យសំដីរបស់អល់ឡោះ។ ថាទៅ ពួកអ្នកនឹងមិនអាចតាមយើងបានឡើយ ប្រៀបដូចទាំងនេះ ដែរ ដែលអល់ឡោះថាកាលពីមុន ដូចនេះ ពួកគេនិយាយថា មិនមែនទេ ការពិតពួកអ្នកច្រណែន ចំពោះយើងវិញទេ។ មិនមែនទេ ការពិតពួកគេមិនយល់អ្វីក្រៅពីបន្តិចបន្តួចសោះឡើយ

ចូរអ្នកថាទៅកាន់ពួកដែលនៅខាងក្រោយ (មិនទៅច្បាំង) នៃពពួកអ្នកជនបទ គេនឹងអំពាវ- នាវពួកអ្នក ទៅកាន់ក្រុមមនុស្សមួយ ដែលប្រកបដោយអនុភាពខ្លាំងក្លាបំផុត ពួកអ្នកនឹង ប្រយុទ្ធតទល់នឹងពួកគេ ឬពួកគេនឹងចុះចូល។ ដូចនេះ ប្រសិនបើពួកអ្នកព្រមគោរពប្រតិបត្តិ អល់ឡោះនឹងផ្តល់ទៅពួកអ្នកនូវរង្វាន់មួយដ៏ល្អ។ ហើយប្រសិនបើពួកអ្នកបែរងាក ដូចដែល ពួកអ្នកបានបែរងាកកាលពីមុន លោកនឹងធ្វើទណ្ឌកម្មពួកអ្នក នូវទណ្ឌកម្មមួយដ៏ខ្លោចផ្សា បំផុត

មិនមានកំហុសទេលើមនុស្សខ្វាក់ ហើយមិនមានកំហុសដែរលើមនុស្សពិកា ហើយ ក៏មិនមានកំហុសដែរលើអ្នកជំងឺ។ ជនណាដែលគោរពប្រតិបត្តិអល់ឡោះ និងរ៉សូលលោក លោកនឹងបញ្ចូលជននោះទៅស្ថានសួគ៌ាទាំងឡាយ ដែលមានទន្លេៗហូរពីក្រោមវា។ រីឯជន ដែលបែរងាក លោកនឹងធ្វើទណ្ឌកម្មជននោះ នូវទណ្ឌកម្មមួយដ៏ខ្លោចផ្សាបំផុត

ជាការពិត ណាស់ អល់ឡោះបានយល់ព្រមស្តីអំពីពួកជំនឿ នៅពេលដែលពួកគេធ្វើសច្ចាប្រណិធាននឹង អ្នកនៅក្រោមដើមឈើ លោកបានដឹងនូវអ្វីដែលមានក្នុងចិត្តថ្លើមរបស់ពួកគេ ដូចនេះ លោក បានដាក់ចុះនូវភាពស្ងប់ស្ងៀមទៅលើពួកគេ ហើយលោកបានជូនទៅពួកគេ នូវជ័យជំនះមួយ ដ៏ជិតបង្កើយ

ព្រមទាំងទ្រព្យជ័យភ័ណ្ឌជាច្រើនបំផុត ដែលពួកគេនឹងទទួលយកវា។ ហើយ អល់ឡោះជាអ្នកមានអានុភាព មហាគតិបណ្ឌិតបំផុត