Surah Al-Baqara Ayahs #215 Translated in Khmer

ចូរអ្នកសួរទៅបុត្រអ៊ីស្រាឯល តើអាយ៉ាត់ដ៏ជាក់ច្បាស់ចំនួនប៉ុន្មានហើយដែលយើងបានផ្តល់ទៅឱ្យពួកគេ ជនដែលប្តួរគុណធម៌អល់ឡោះ បន្ទាប់ពីបានទៅដល់គេហើយ អល់ឡោះជាអ្នកធ្វើទណ្ឌកម្មដ៏ខ្លាំងក្លាបំផុត

គេបានតាក់តែងជីវិតលោកិយសម្រាប់ពួកដែលមិនបានជឿ ហើយពួកគេបានចំអកដាក់ពួកដែលមានជំនឿ ។ ពួកដែលបានគោរពកោតខ្លាចនៅពីលើពួកគេនាថ្ងៃរស់ឡើងវិញ។ អល់ឡោះផ្តល់អាហារដល់អ្នកដែលលោកសោមនស្សដោយឥតគណនា

មនុស្សជាសហគមន៍តែមួយ អល់ឡោះបានជ្រើសតាំងណាពីៗ ជាអ្នកផ្តល់ដំណឹងរីករាយ និងផ្តល់ដំណឹងរន្ធត់ ហើយលោកបានបញ្ចុះជាមួយ នឹងពួកគេនូវគម្ពីរដោយសច្ចៈ ដើម្បីលោកនឹងសំរេចក្តីរវាងមនុស្ស នៅក្នុងអ្វីដែលពួកគេបានខ្វែងគំនិតគ្នានោះ។ ហើយដែលបានខ្វែងគំនិតគ្នានោះគ្មានអ្នកណាក្រៅពីពួកដែលត្រូវបានគេផ្តល់គម្ពីរនោះទេ បន្ទាប់ពីបណ្តាអាយ៉ាត់បាន ដល់ទៅពួកគេដោយសារតែការឈ្នានីសរវាងពួកគេ។ អល់ឡោះក៏បានមគ្គុទ្ទេសពួកដែលបានជឿ ទៅកាន់អ្វីដែលពួកគេបានខ្វែងគំនិតគ្នាពីសច្ចភាពតាមការអនុញ្ញាតពីលោក។ អល់ឡោះមគ្គុទ្ទេសជនដែលលោកសោមនស្សឆ្ពោះទៅកាន់ផ្លូវមួយដ៏ត្រឹមត្រូវបំផុត

តើពួកអ្នកគិតថា ពួកអ្នកនឹងចូលសួគ៌ាឬបើករណីដូចពួកដែលកន្លងផុតទៅនៃពួកកាលពីមុនពួកអ្នកនោះ មិនទាន់បាន ដល់ទៅពួកអ្នកផង ពួកគេត្រូវបានប៉ះទង្គិចដោយគ្រោះកំណាច និងទុក្ខភ័យ ហើយពួកគេត្រូវញ័ររន្ធត់ រហូតដល់រ៉ាសូលនិងពួកដែលបានជឿរួមជាមួយគេ ចេញសំដីថាអង្កាល់ទៅជំនួយរបស់អល់ឡោះ តើជំនួយរបស់អល់ឡោះមិនមែននៅជិតបំផុតទេឬ

ពួកគេសួរអ្នកស្តីពីអ្វីខ្លះដែលពួកគេត្រូវបានបរិច្ចាគ ចូរអ្នកថាទៅ អំពើសប្បុរសណាមួយដែលអ្នកបានបរិច្ចាគ គឺសម្រាប់មាតាបិតាញាតិសណ្តានជិតខាង ក្មេងកំព្រា ជនក្រីក្រ និងអ្នកដំណើរ។ អំពើសប្បុរស ណាមួយដែលពួកអ្នកធ្វើគឺអល់ឡោះពិតជាអ្នកដឹងបំផុតចំពោះអំពើនោះ