Surah Al-Anfal Ayahs #70 Translated in Khmer

ឥឡូវ អល់ឡោះ បានសម្រាលអំពីពួកអ្នក ព្រោះលោកបានដឹងថា ក្នុងពួកអ្នកប្រាកដជាមានភាពទន់ ខ្សោយ ហេតុនេះបើក្នុងចំណោមពួកអ្នកមានមួយរយនាក់ដែលតស៊ូ ដែលអត់ធ្មត់ ពួក គេប្រាកដជានឹងឈ្នះពីររយនាក់ ហើយក្នុងចំណោមពួកអ្នកមានមួយពាន់នាក់ ពួកគេ ប្រាកដជាឈ្នះពីរពាន់នាក់ ដោយមានការអនុញ្ញាតពីអល់ឡោះ។ អល់ឡោះជាមួយពួក អ្នកដែលអត់ធ្មត់

ឈ្លើយសឹកដែលនឹងក្លាយទៅជាកម្មសិទ្ធិរបស់ណាពីនោះ វាមិន ត្រូវបានក្លាយទៅជាកម្មសិទ្ធិរបស់ណាពីឡើយ លុះត្រាតែណាពីបានធ្វើសង្គ្រាមសម្លាប់ រង្គាលមានប្រៀបជាងនៅលើដីសិន។ ពួកអ្នកប្រាថ្នាទ្រព្យធនលោកិយ រីឯអល់ឡោះ ប្រាថ្នាលោកខាងមុខ អល់ឡោះប្រកបដោយពលានុភាព មហាគតិបណ្ឌិត

ប្រសិន បើគ្មានកាលកំណត់ពីអល់ឡោះមុនទេនោះ ប្រាកដជាទណ្ឌកម្មដ៏ធំសម្បើមបានប៉ះទង្គិច ពួកអ្នក អ្វីដែលពួកអ្នកបានចាប់យកនៃតំលៃលោះ

ចូរអ្នកបរិភោគចុះនៃជ័យភណ្ឌ ដែលពួកអ្នកប្រមូលបាន ដោយស្របតាមធម៌ ដែលស្អាតស្អំ។ ហើយចូរពួកអ្នកគោរព កោតខ្លាចអល់ឡោះ។ អល់ឡោះពិតជាអ្នកអភ័យទោសឱ្យ អាណិតអាសូរបំផុត

ឱណាពី! ចូរអ្នកនិយាយប្រាប់ទៅជនឈ្លើយសឹក ដែលមានក្នុងដៃរបស់ពួកអ្នកថា បើ អល់ឡោះដឹងថា នៅក្នុងចិត្តទាំងឡាយរបស់ពួកអ្នកមានអំពើកុសល លោកប្រាកដជានឹង ផ្តល់ទៅឱ្យពួកអ្នកវិញ នូវអំពើកុសលនោះ ជាជាងការលោះដែលគេចាប់យកពីពួកអ្នក ហើយលោក ប្រាកដជានឹងអភ័យទោសឱ្យពួកអ្នក។ អល់ឡោះគឺជាអ្នកអភ័យទោសឱ្យ អាណិតអាសូរបំផុត