Surah Al-Ahqaf Ayahs #19 Translated in Khmer

ហើយយើងបានដាក់បង្គាប់ទៅលើមនុស្ស នូវការសាងកុសលនឹងមាតាបិតារបស់គេ។ មាតាគេ បានពរផ្ទៃគេ ដោយការលំបាកលំបិនមួយ ហើយបានប្រសូតគេ ដោយការលំបាកលំបិនមួយ ទៀត។ ហើយការពរផ្ទៃគេ និងការផ្តាច់ដោះគេ គឺសាមសិបខែ រហូតកាលគេបានឈានទៅដល់ ភាពរឹងប៉ឹងរបស់គេ និងឈានដល់អាយុសែសិបឆ្នាំ គេបានពោលថា ឱម្ចាស់ខ្ញុំ សូមលោកមេត្តា រៀបចំឱ្យខ្ញុំ ដើម្បីខ្ញុំសំដែងឧបការគុណ ចំពោះក្តីអនុគ្រោះរបស់លោក ដែលលោកបានផ្តល់ ក្តីអនុគ្រោះមកលើខ្ញុំ និងទៅលើមាតាបិតារបស់ខ្ញុំ ហើយខ្ញុំនឹងសាងកុសលមួយ ដែលលោក យល់ព្រម ហើយសូមលោក មេត្តាកែលំអឱ្យខ្ញុំនៅក្នុងកូនចៅខ្ញុំផង។ ជាការពិតណាស់ ខ្ញុំបាន វិលត្រឡប់ទៅកាន់លោកវិញ ខ្ញុំក្នុងចំណោមពួកអ្នកធ្វើតាម

ពួកទាំងនេះហើយ ដែលយើង នឹងទទួលពីពួកគេ នូវកុសលអ្វីដែលពួកគេបានប្រព្រឹត្ត ហើយយើងនឹងអត់អោនអំពើអកុសល ទាំងឡាយរបស់ពួកគេ នៅក្នុងចំណោមពួកស្ថានសួគ៌។ ជាការសន្យាពិត ដែលពួកគេត្រូវគេ សន្យា

រីឯអ្នកដែលបាននិយាយទៅកាន់មាតាបិតារបស់គេថា ថ្វឺយ ទៅកាន់អ្នកទាំងពីរ តើ អ្នកទាំងពីរសន្យាចំពោះយើងថា គេនឹងបញ្ចោញយើងមកវិញឬ? ក្នុងករណីដែលសតវត្សរ៍ នៃ ពួកកាលសម័យមុនយើង បានកន្លងផុតហើយនោះ។ ពេលនោះ អ្នកទាំងពីរសុំជំនួយពីអល់ ឡោះ ឱអនិច្ចាអ្នក ចូរអ្នកជឿជាក់ទៅ ជាការពិតណាស់ ការសន្យារបស់អល់ឡោះគឺសច្ចៈ។ រួចគេថា នេះគ្មានអ្វីក្រៅពីជាបុរាណនិទានឡើយ

ពួកទាំងនេះហើយដែលសំដីបានកំណត់ ទៅលើពួកគេ នៅក្នុងសហគមន៍ទាំងឡាយ ដែលពិតជាបានកន្លងផុតទៅពីពួកសម័យមុន ពួក គេនៃពពួកជិន និងមនុស្ស។ ការពិតពួកគេជាពួកខាតបង់

ហើយសម្រាប់នីមួយៗ គឺមាន ឋានៈនៃអ្វីដែលពួកគេបានប្រព្រឹត្ត ។ ហើយដើម្បីលោកនឹងបំពេញជូនពួកគេ នូវអំពើទាំងឡាយ របស់ពួកគេ ខណៈដែលពួកគេនឹងមិនត្រូវគេបំបាត់ឡើយ