Surah Aal-E-Imran Ayahs #156 Translated in Khmer

ជាការពិត ណាស់ អល់ឡោះបានធ្វើឱ្យសន្យារបស់លោកកើតមានពិតចំពោះ ពួកអ្នក ខណៈដែលពួកអ្នកបានសំលាប់ពួកគេ ដោយការអនុញ្ញាត ពីលោក រហូតដល់ពេលពួកអ្នកទន់ខ្សោយ និងពួកអ្នកបានខ្វែង យោបល់គ្នានៅក្នុងការងារនេះ ហើយពួកអ្នករឹងរូស បន្ទាប់ពីត្រូវ បានបង្ហាញឱ្យពួកអ្នកមើលឃើញ នូវអ្វីដែលពួកអ្នកពេញចិត្ត។ ក្នុង ចំណោមពួកអ្នក មានអ្នកប្រាថ្នាលោកបច្ចុប្បន្ន ហើយក្នុងចំណោម ពួកអ្នក មានអ្នកប្រាថ្នាលោកខាងមុខ។ ក្រោយមក លោកបានបង្វែរ ពួកអ្នកចេញពីពួកគេ ដើម្បីលោកនឹងសាកល្បងពួកអ្នក។ ជាការពិត ណាស់លោកអត់ឱនឱ្យពួកអ្នក។ ហើយលោកជាអ្នកដែលមានគុណ លើពួកជំនឿ

នៅពេលដែលពួកអ្នករត់ឱ្យឡើងភ្នំដោយពួកអ្នក ឥតងាកមើលទៅអ្នកណាម្នាក់ឡើយ ពេលនោះរ៉សូលស្ថិតនៅក្នុង ក្រុមមួយទៀតពីក្រោយពួកអ្នក ស្រែកហៅពួកអ្នក ដូចនេះ លោកក៏ បានផ្តល់ទៅពួកអ្នកនូវទុក្ខព្រួយ ដោយការឈឺចាប់ ដើម្បីកុំឱ្យពួកអ្នក បារម្ភទៅលើអ្វីដែលបាត់បង់ពីពួកអ្នក និងអ្វីដែលត្រូវបានប៉ះទង្គិច លើពួកអ្នក។ឱ្យឱ្យអល់ឡោះជាអ្នកដឹងបំផុតពីអ្វីដែលពួកអ្នកប្រព្រឹត្ត

ក្រោយមក បន្ទាប់ពីទុក្ខព្រួយ លោកក៏បានបញ្ចុះទៅលើពួកអ្នកនូវសេចក្តីសុខសាន្ត ដោយភាពងងុយបានគ្របដណ្តប់ទៅលើក្រុមមួយនៃពួកអ្នក។ ហើយក្រុមមួយទៀត ដែលខ្លួនពួកគេផ្ទាល់បានផ្តល់កង្វល់ដល់ខ្លួនឯង ដោយពួកគេបានគិតស្មានទៅចំពោះ អល់ឡោះដោយឥតត្រឹមត្រូវ ដូចការគិតស្មានរបស់ពួកល្ងង់ខ្លៅដែរ។ ពួកគេថា តើ យើងត្រូវទទួលបានអ្វីមួយពីការងារនេះ?។ ចូរថាទៅ ការពិតការងារ សុទ្ធតែជារបស់ អល់ឡោះ។ ពួកគេលាក់នៅក្នុងខ្លួនពួកគេ នូវអ្វីដែលពួកគេមិនបង្ហាញជូនអ្នកទេ។ ពួកគេថា ប្រសិនបើពួកយើងត្រូវបានអ្វីមួយពីការងារនេះ ពួកយើងមិនត្រូវបានគេធ្វើ ឃាតនៅទីនេះទេ។ ចូរថាទៅ ទោះបីពួកអ្នកនៅឯផ្ទះពួកអ្នកក៏ដោយ ក៏ពួកដែលត្រូវ បានគេចារទុកថា ពួកគេត្រូវសម្លាប់នោះ ប្រាកដជាបានចេញទៅកាន់ទីកន្លែងស្លាប់ របស់ពួកគេដែរ។ ហើយដើម្បីអល់ឡោះនឹងសាកល្បងនូវអ្វីដែលមានក្នុងទ្រូងរបស់ ពួកអ្នក និងដើម្បីលោកជម្រះសម្អាត នូវអ្វីដែលមានក្នុងចិត្តពួកអ្នក។ ហើយអល់ឡោះ ដឹងបំផុតពីអ្វីដែលមានក្នុងទ្រូង

ការពិតពួកដែលបានគេចខ្លួនក្នុងចំណោមពួក អ្នក នាថ្ងៃដែលក្រុមទាំងពីរបានពើបប្រយុទ្ធគ្នានោះ គឺស្ហៃតនទេដែលបានអូសទាញ ពួកគេ ដោយសារភាគខ្លះនៃអ្វីីដែលពួកគេបានសាង។ ជាការពិតណាស់ អល់ឡោះ បានអត់ឱនឱ្យពួកគេ។ អល់ឡោះពិតជាអ្នកដែលប្រោសប្រណី ជាអ្នកដែលអត់ឱនបំផុត

ឱពួកដែលបានជឿ! ចូរពួកអ្នកកុំធ្វើដូចជាពួកដែលបានអជំនឿ ហើយពួកគេ បាននិយាយទៅកាន់បងប្អូនរបស់ពួកគេ នៅពេលបងប្អូននោះបានចេញដំណើរនៅ លើដី ឬ្ញុពួកគេជាអ្នកទៅច្បាំងថា ប្រសិនបើពួកគេនៅក្បែរពួកយើង ពួកគេមិនបាន ស្លាប់ទេ ហើយក៏មិនត្រូវបានគេសម្លាប់ដែរ។ ដើម្បីអល់ឡោះធ្វើឱ្យករណីនេះទៅជា ការសោកស្តាយមួយនៅក្នុងចិត្តរបស់ពួកគេ។ ហើយអល់ឡោះផ្តល់ជីវិត និងសេចក្តី ស្លាប់។ ហើយអល់ឡោះជាអ្នកដែលឃើញបំផុតពីអ្វីដែលពួកអ្នកបានប្រព្រឹត្ត