Surah Ta-Ha Ayahs #134 Translated in Khmer

ដូចនេះ ចូរអ្នកអត់ធ្មត់លើអ្វីដែលពួកគេកំពុងនិយាយ ហើយចូរអ្នក សំដែងធម៌បរិសុទ្ធ ដោយការសរសើរគោរពម្ចាស់អ្នក មុនការរះឡើងនៃសុរិយា និងមុនលេចចូលនៃ សុរិយា។ ហើយក្នុងចំណោមវេលានៃពេលយប់ ចូរអ្នកសំដែងនូវធម៌បរិសុទ្ធ និងខាងចុងទាំងឡាយ នៃពេលថ្ងៃ សង្ឃឹមថា អ្នកនឹងសោមនស្ស

ហើយចូរអ្នកកុំសម្លឹង ឱ្យសោះនូវភ្នែកទាំងពីររបស់ អ្នក ទៅកាន់អ្វីដែលយើងបានផ្តល់ភាពត្រេកត្រអាលគ្រប់បែបយ៉ាងនៃពួកគេ ជាភាពត្រចះត្រចង់នៃ ជីវិតលោកិយ ដើម្បីយើងនឹងសាកល្បងពួកគេនៅក្នុងករណីនេះ។ ហើយចំណីអាហាររបស់ម្ចាស់អ្នក ប្រសើរ និងនិរន្តរភាពជាង

ហើយចូរអ្នកបង្គាប់គ្រួសារអ្នកឱ្យសឡាតិ៍ ហើយចូរអ្នកអត់ធ?ត់ ព្យាយាមនៅលើករណីនេះ។ យើងនឹងមិនសុំដល់អ្នកនូវចំណីអាហារណាមួយទេ យើងទេជាអ្នក ផ្តល់ចំណីអាហារដល់អ្នក ហើយទីបញ្ចប់សម្រាប់អ្នកគោរពកោតខ្លាច

ហើយពួកគេថា ហេតុអ្វី មិននាំដល់ទៅយើង នូវអាយ៉ាត់ណាមួយពីម្ចាស់របស់គេ តើអាយ៉ាត់អ្វីដែលមានក្នុងគម្ពីរ កាលដំបូង មិនទាន់ដល់ទៅពួកគេទេឬ

ហើយប្រសិនបើយើងបានបំផ្លិចបំផ្លាញពួកគេដោយទណ្ឌកម្មណា មួយ មុនសម័យកាលមូហាំម៉ាត់ ពួកគេប្រាកដជាថា ឱម្ចាស់ពួកយើង ហេតុអ្វីលោកមិនចាត់បញ្ជូន មកកាន់ យើងនូវរ៉សូលណាម្នាក់ យើងប្រាកដជានឹងធ្វើតាមអាយ៉ាត់ៗរបស់លោក មុននឹងពួកយើង ត្រូវអាប់អោន និងបាក់មុខ