Surah Maryam Ayahs #50 Translated in Khmer

បិតាថា តើអ្នកដែលស្អប់ខ្ពើមម្ចាស់យើង គឺអ្នកឬ ឱអ៊ីព្រហ៊ីម? ប្រសិនបើអ្នកមិនព្រមឈប់ទេ យើងពិតជានឹងគប់អ្នកនឹងដុំថ្ម។ ហើយអ្នកត្រូវជៀសឆ្ងាយពីយើងមួយរយៈពេលយូរ

គាត់ថា សិរីសួស្តីមកលើអ្នក ។ ខ្ញុំនឹងសុំទៅម្ចាស់ខ្ញុំអភ័យទោសឱ្យអ្នក ។ លោកពិតជាអ្នកដែលទន់ភ្លន់នឹងខ្ញុំជានិច្ច

ហើយខ្ញុំនឹងដកខ្លួនចេញពីពួកអ្នក និងពីអ្វីដែលពួកអ្នកកំពុងបួងសួងក្រៅពីអល់ឡោះ ហើយខ្ញុំនឹងបួងសួងម្ចាស់ខ្ញុំ។ ដោយសារការបួងសួងម្ចាស់ខ្ញុំ សង្ឃឹមថា ខ្ញុំពុំមែនជាអ្នក ដែលអពមង្គលទេ

រួចមក នៅពេលដែលគាត់បានដកខ្លួនចេញពីពួកគេ និងអ្វីដែល ពួកគេកំពុងប្រណិប័តន៍ក្រៅពីអល់ឡោះ យើងបានប្រទានអំណោយឱ្យគាត់មាន អ៊ីស្ហាក និងយ៉ាក់កូប។ ហើយទាំងនោះ យើងបានចាត់ទុកជាណាពី

ហើយយើងបានប្រទាន ឱ្យពួកគេពីក្តីអាណិតស្រលាញ់របស់យើង ហើយយើងបានចាត់ឱ្យពួកគេមានអណ្តាតនៃ ការទៀងត្រង់មួយដោយខ្ពង់ខ្ពស់បំផុត