Surah Fussilat Ayahs #25 Translated in Khmer

ហើយពួកគេ បាននិយាយទៅកាន់ស្បែករបស់ពួកគេថា ហេតុអ្វីបានជាពួកអ្នកបានធ្វើសាក្សី មកលើពួកយើង? ពួកគេបានឆ្លើយថា អល់ឡោះបានធ្វើឱ្យយើងនិយាយបាន ដូចអល់ឡោះ បានធ្វើឱ្យរាល់វត្ថុទាំងអស់និយាយបាន ហើយលោកបានបង្កើតពួកអ្នកកាលគ្រាដំបូង ហើយ ឆ្ពោះទៅលោក ពួកអ្នកនឹងត្រូវគេបញ្ចូនត្រលប់វិញ

ហើយ ពួកអ្នកមិនដែលកំបាំងទេ ករណី ដែលនឹងធ្វើសាក្សីលើពួកអ្នក ដោយសោតវិញ្ញាណពួកអ្នក និងមិនកំបាំងដែរ ដោយចក្ខុវិញ្ញាណ ពួកអ្នក ហើយនឹងមិនកំបាំងដែរ ដោយកាយវិញ្ញាណពួកអ្នក ក៏ប៉ុន្តែពួកអ្នកបានគិតស្មានថា អល់ឡោះពិតជាមិនដឹង នូវភាគច្រើនបំផុត នៃអ្វីដែលពួកអ្នកប្រព្រឹត្ត

នេះហើយ ការគិត ស្មានរបស់ពួកអ្នក ដែលពួកអ្នកបានគិតស្មានចំពោះម្ចាស់ពួកអ្នក ដែលលោកបានបំផ្លាញពួកអ្នក រួចមក ពួកអ្នកបានក្លាយទៅក្នុងចំណោមពួកដែលខាតបង់

ពេលនោះ ទោះបីពួកគេអត់ធ្មត់ ក៏នរក ជាទីស្នាក់អាស្រ័យមួយសម្រាប់ពួកគេដែរ។ ហើយបើពួកគេសុំលើកលែងទោសក៏ពេល នោះពួកគេពុំមែនក្នុងចំណោមពួកត្រូវគេលើកលែងទោសដែរ

ហើយយើងបានដាក់ឱ្យ ពួកគេមានមិត្តភក្តិទាំងឡាយ រួចមក ពួកមិត្តភក្តិទាំងនោះ បានតាក់តែងលំអឱ្យពួកគេ នូវអ្វី ដែលមានពីមុខពួកគេ និងអ្វីដែលមានពីក្រោយពួកគេ ហើយបានប្រាកដ រួចហើយទៅលើពួកគេ ដោយសំដីនៅក្នុងសហគមន៍ទាំងឡាយ ដែលបានកន្លងផុតមកពីពួកជំនាន់មុនៗពួកគេ នៃពួកជិន និងពួកមនុស្ស។ ពួកគេពិតជាបានក្លាយទៅជាពួកខាតបង់