Surah At-Tawba Ayahs #62 Translated in Khmer

ហើយក្នុងចំណោមពួកគេ មានជនដែលកំពុងនិន្ទាអ្នក ក្នុងការបែងចែកទានទាំងឡាយ បើ សិនគេបានផ្តល់ជូនទៅពួកគេនៃទានទាំងនោះ ពួកគេប្រាកដជាពេញចិត្ត តែបើគេមិនបាន ផ្តល់ជូនទៅពួកគេនៃទានទាំងនោះទេ ពេលនោះពួកគេក្រេវក្រោធភ្លាម

ហើយប្រសើរ ណាស់ ប្រសិនពួកគេបានពេញចិត្តនូវអ្វីដែលអល់ឡោះ និងរ៉សូលរបស់លោកបានផ្តល់ទៅ ពួកគេ បព្រមទាំងពួកគេបានចេញវាចាថា ការគ្រប់គ្រាន់របស់ពួកយើង គឺអល់ឡោះ លោក នឹងផ្តល់ឱ្យពួកយើងនៃក្តីអនុគ្រោះរបស់លោក ដូចនេះដែររ៉សូលរបស់លោក ឆ្ពោះទៅកាន់ អល់ឡោះ ពួកយើងពិតជាពួកដែលសង្ឃឹមប្រាថ្នា

ការពិត ទានទាំងឡាយ គឺទុកសំរាប់តែ ពួកទុរគតជន ពួកដែលឥតទីពឹង ពួកកំពុងប្រតិបត្តិលើការងារទាន ពួកដែលត្រូវគេយកចិត្ត ទាំងឡាយរបស់ពួកគេ និងក្នុងកិច្ចការដោះលែងពីនឹមទាសករ ពួកជំពាក់បំណុលគេ និងក្នុង បុព្វហេតុផ្លូវអល់ឡោះ និងអ្នកដំណើរគ្មានទីពឹង។ គឺជាកាតព្វកិច្ចមួយមកពីអល់ឡោះ ហើយ អល់ឡោះ មហាដឹង មហាគតិបណ្ឌិត

ហើយក្នុងចំណោមពួកពុតត្បុត មានពួកដែលធ្វើទុក្ខ បុកម្នេញចំពោះណាពី ពួកគេថា ណាពីមានត្រចៀក (ចូលចិត្តស្តាប់)។ ថាទៅ គឺជាត្រចៀក នៃកុសលសំរាប់ពួកអ្នក ណាពីកំពុងជឿជាក់លើអល់ឡោះ និងកំពុងមានជំនឿចំពោះអ្នកមាន ជំនឿ ហើយគឺជាក្តីអាណិតអាសូរសំរាប់ពួកដែលបានជឿក្នុងចំណោមពួកអ្នក។ រីឯពួកដែល កំពុងធ្វើទុក្ខបុកម្នេញចំពោះរ៉សូលអល់ឡោះ សំរាប់ពួកគេ គឺទណ្ឌកម្មដ៏ខ្លោចផ្សាបំផុត

ពួកគេស្បថស្បែនឹងអល់ឡោះសំរាប់ពួកអ្នក ដើម្បីពួកគេនឹងធ្វើឱ្យពេញចិត្តពួក អ្នក។ គឺអល់ឡោះ ព្រមទាំងរ៉សូលរបស់លោកទេ ដែលសមបំផុតឱ្យពួកគេធ្វើឱ្យ ពេញចិត្តលោកនោះ ប្រសិនបើពួកគេជាពួកមានជំនឿមែន