Surah Al-Anbiya Ayahs #87 Translated in Khmer

ហើយអៃយោប ក្នុង ខណៈដែលបានហៅទៅម្ចាស់របស់គេថា ខ្ញុំពិតជាបានត្រូវប៉ះទង្គិចដោយ គ្រោះឧបសគ្គ ហើយលោកជាអ្នកប្រកបដោយក្តីអាណិតអាសូរ លើសពី បណ្តាអ្នកអាណិតអាសូរទាំងអស់

ដូចនេះ យើងបានទទួលឆ្លើយតប ទៅកាន់គេ រួចមក យើងបានកម្ចាត់នូវគ្រោះកំណាចដែលមាននៅលើគេ។ ហើយយើងបានផ្តល់ទៅគេ និងពួកគេដដែល ដែលមានរួមជាមួយពួកគេ គឺជាការអាណិតអាសូរមួយពីយើង និងជាការក្រើនរំលឹកសម្រាប់ពួកដែល ធ្វើប្រណិប័តន៍

ហើយអ៊ីស្មាឯល អ៊ិទ្រេស និងហ្សុលគីភ្លីសុទ្ធតែក្នុង ចំណោមពួកខន្តី

ហើយយើងបានបញ្ចូលពួកគេទាំងនោះ ទៅក្នុងក្តី អាណិតអាសូររបស់យើង ពួកគេពិតជាក្នុងចំណោមពួកកុសលជន

ហើយហ្សាន់នូន(យូនូស) នៅខណៈដែលគេបានចេញដំណើរទាំងខឹងក្តៅ ក្រហាយ ដូចនេះ គេបានគិតថា យើងគ្មានលទ្ធភាពទៅលើគេទេ រួចទាំង នៅក្នុងអន្ធកាលនោះ គេបានស្រែកហៅថា គ្មានម្ចាស់ណាម្នាក់ក្រៅពី លោកឡើយ មហាកត្តិគុណលោក ខ្ញុំពិតជាក្នុងចំណោមពួកអ្នកអយុត្តិធម៌