Surah Al-Anaam Ayahs #84 Translated in Khmer

មនុស្សរបស់គេបានប្រកែក ជាមួយគេ។ គេថា ហេតុអ្វីពួកអ្នកប្រកែកជាមួយយើងស្តីពីអល់ឡោះ ដែលលោកពិតជាបានធ្វើមគ្គុទ្ទេសន៍យើង?។ យើងក៏មិនខ្លាចអ្វីដែល ពួកអ្នកស៊ីរិកនោះទេ លើកលែងតែម្ចាស់យើងប្រាថ្នាអ្វីមួយ។ ការដឹង របស់ម្ចាស់យើងទូលំទូលាយរាល់អ្វីៗទាំងអស់។ តើពួកអ្នកមិននឹកឃើញ ទេឬ?

តើធ្វើម្តេចយើងខ្លាចនូវអ្វីដែលពួកអ្នកបានស៊ីរិក? បើពួក អ្នកមិនទាំងខ្លាចថា ពួកអ្នកបានស៊ីរិកនឹងអល់ឡោះ ដែលលោកមិន ដែលបញ្ចុះសំអាងណាមួយទៅលើពួកអ្នកផង? ទាំងពីរភាគីនេះ តើ មួយណាដែលសមទទួលសុវត្ថិភាពជាង? បើពួកអ្នកបានដឹងនោះ

ពួកដែលបានជឿ ហើយពួកគេមិនដែលលាយឡំជំនឿពួកគេនឹងអំពើខុស ឆ្គងណាមួយ ពួកទាំងនោះត្រូវបានទទួលសុវត្ថិភាព ហើយពួកគេត្រូវទទួល បានមគ្គុទ្ទេសន៍

នោះហើយជាបណ្តាភស្តុតាងរបស់យើង ដែលយើង បានផ្តល់ទៅអ៊ីព្រហ៊ីមតទល់នឹងមនុស្សគេ។ យើងលើកឋានៈសក្តិចំពោះជន ដែលយើងប្រាថ្នា។ ការពិតម្ចាស់អ្នកជាអ្នកគតិបណ្ឌិត ជាអ្នកដែលដឹងបំផុត

ហើយយើងបានប្រទានអ៊ីសហាក និងយ៉ាក់កូបទៅអ៊ីព្រហ៊ីម។ ម្នាក់ៗ យើងបានធ្វើមគ្គុទ្ទេសន៍។ ហើយណូហ៍ ក៏យើងបានធ្វើមគ្គុទ្ទេសន៍ដែរកាល ពីមុន។ ពីកូនចៅរបស់គេ គឺដាវូទ សូឡៃម៉ាន អៃយោប យូសុហ្វ មូសា និងហារូន។ ដូចនេះហើយ យើងជូនរង្វាន់ចំពោះពួកដែលសាងអំពើល្អ