Surah Al-Ahqaf Ayahs #12 Translated in Khmer

ឬមួយពួកគេនិយាយថា គេបានប្រឌិតវាឡើង។ ថាទៅឱ្យ ប្រសិន យើងបានប្រឌិតវាឡើង ក៏ពួកអ្នកមិនអាចរ៉ាប់រង ចំពោះយើងពីអល់ឡោះបានបន្តិចបានឡើយ ។ លោកដឹងបំផុត នូវអ្វីដែលពួកអ្នកពោលពាក្យផ្តេសផ្តាសចំពោះវានោះ។ វាគ្រប់គ្រាន់ណាស់ លោកជាសាក្សីម្នាក់រវាងយើង និងរវាងពួកអ្នក ហើយលោកជាអ្នកអភ័យទោសឱ្យអាណិតអា សូរបំផុត

ថាទៅ យើងពុំមែនជាជនដំបូងម្នាក់ក្នុងចំណោមពួករ៉សូលឡើយ ហើយយើងនៅ តែមិនដឹងនូវអ្វីដែលគេនឹងអនុវត្តមកលើយើង និងលើពួកអ្នក។ យើងគ្មានអ្វីក្រៅពីធ្វើតាម នូវអ្វីដែលគេវ៉ាហ៊ីមកកាន់យើងនោះឡើយ។ យើងគ្មានអ្វីក្រៅពី ជាអ្នកព្រមានម្នាក់យ៉ាងច្បាស់ លាស់

ថាទៅ តើពួកអ្នកបានយល់ឃើញយ៉ាងណា ប្រសិនបើវាមានមកពីអល់ឡោះ ហើយ ពួកអ្នកមិនបានជឿនឹងវាទេ រួចសាក្សីម្នាក់នៃបុត្រអ៊ីស្រាឯលបានអះអាងដូចវាដែរ រួចបានជឿទៀត ហើយពួកអ្នកបានកាន់ឫកក្អេងក្អាង? អល់ឡោះពិតជានឹងមិនបង្ហាញផ្លូវឡើយ ចំពោះក្រុម មនុស្សអយុត្តិធម៌

ហើយពួកដែលមិនព្រមជឿ បាននិយាយទៅកាន់ពួកដែលបានជឿថា ប្រសិន វាជាកុសលមួយមែន ក៏ពួកគេមិនឈានមុនយើងទៅកាន់វាដែរ។ ហើយពេលនោះ ពួកគេនៅតែ មិនទទួលបានមគ្គុទ្ទេសន៍ដោយសារវាដែរ រួចពួកគេនឹងថា នេះគឺជាការភូតកុហកមួយ ដ៏ចាស់គំ រិលបំផុត

ហើយពីសម័យកាលមុន វាមានគម្ពីររបស់មូសា ជាការដឹកនាំមួយ និងជាក្តីអា ណិតអាសូរមួយ។ ហើយនេះជាគម្ពីរមួយ បញ្ជាក់ជាភាសាអារ៉ាប់ ដើម្បីនឹងព្រមានពពួក ដែល បានសាងបាបកម្ម ហើយនឹងលើកទឹកចិត្ត ចំពោះពួកអ្នកសាងកុសល