Surah Aal-E-Imran Ayahs #68 Translated in Khmer

ចូរថាទៅ ឱក្រុមអះលីគីតាប! សូមពួកអ្នកអញ្ជើញទៅកាន់សំដីមួយម៉ាត់ ដែលមានគតិយុត្តិរវាងពួកយើងនិងពួកអ្នក គឺពួកយើងពិតជាមិនបានគោរព ប្រណិប័តន៍ក្រៅពីអល់ឡោះទេ ពួកយើងក៏មិនធ្វើស៊ីរិកនឹងអល់ឡោះបន្តិច សោះឡើយ ហើយយើងក៏មិនចាត់ទុកគ្នាយើង ជាម្ចាស់ក្រៅ់ពីអល់ឡោះ ដែរ។ ក្រោយមក ប្រសិនបើពួកគេបានបែរចេញ ចូរពួកអ្នកថា សូមពួក អ្នកធ្វើសាក្សីទៅថា ពួកយើងពិតជាអ្នកចុះចូលគោរព

ឱក្រុមអះលីគីតាប! ហេតុអ្វីពួកអ្នកជំទាស់ក្នុងរឿងអ៊ីព្រហ៊ីម ប្រសិនបើតាវរ៉ត និងអ៊ិនជីលត្រូវបានបញ្ចុះមកក្រោយពីនោះទេតើ?។ តើពួកអ្នកឥតពិចារណាទេឬ?

ពួកអ្នកនេះហើយ ដែលធ្លាប់បានជំទាស់តវ៉ាក្នុងរឿងដែលពួកអ្នកបានដឹង ចុះហេតុអ្វីពេលនេះពួកអ្នកទៅជំទាស់តវ៉ាក្នុងរឿងដែលពួកអ្នកឥតមានដឹងរឿងអ្វីសោះនោះ?។ អល់ឡោះដឹងតែពួកអ្នកឥតដឹងទេ

អ៊ីព្រហ៊ីម មិនមែនជាយ៉ាហ៊ូទនិយម ហើយក៏មិនមែនជាណាស៏រ៉និយមផងដែរក៏ប៉ុន្តែ គេជាអ្នកភក្តីភាពជាអ្នកមុស្លិម។ ហើយគេក៏ពុំមែនក្នុងចំណោមពួកដែលធ្វើស៊ីរិកផងដែរ

ប្រាកដណាស់មនុស្សដែលសមស្របជាងគេនឹងអ៊ីព្រហ៊ីមនោះ គឺអ្នកដែលបានប្រតិបត្តិតាមគេនេះគឺជាណាពី (មូហាំម៉ាត់) និងពួកដែលមានជំនឿ។ ហើយអល់ឡោះជាអ្នកដែលគាំពារពួកដែលមានជំនឿ